Die Laafparad werd geplant, die Fastnachtszüüch stehn in de Startlöscher unn in Schlumberanien kimmt am Rosemondaach de Zuuch.
Nach Corona unn annere Pause iss widder Stroaßefassenacht, aach wenn vielerorts su manche Gedanke bei de Erdbebenopfer vun de Türkei unn Syrien odder beim Krieg in de Ukraine sinn.
Viele Vorberichte sinn inzwische beim Blättsche angekomme unn wir informiern unsere Leser natierlisch gern, woas so rundum gefeiert werd. Lasst euch iwwerrasche vun su manche Informatione rund um die Fastnachtszüüch.
Am heutische Diensdaach starte mer unn freue uns widder iwwer rund 1.500 Leser am Daach, die devon erzähle, woas su alles im Blättsche zu finne iss. Bis zum Wochenende steht aach ‘s Blättsche goanz im Zeische vun de närrische Daache.
Mer berischte in ausführlische Vorberichte am Dienstdaach ab 19.30 Uhr iwwer die Züüch in Klanaam unn Staanem, klar.
Dann aach ebbes zum Kinnerfastnachtszug in Sellestadt unn natierlisch net zu vergesse alles Wichtische unn Wissenswerte vum Rosemontagszuuch in de Einhardstadt mit em gesamte Zuuch-Programm (Stand: 31. Januar). Zu guter letzt en Vorbericht zum Fastnachtszuuch vun de Bruchkatze in Zellhause.